Во сабота, на 22.05.2021 година, Градот Скопје ќе започне со авионска дезинсекција на подрачјето на главниот град против возрасни форми на комарци, а на 24.05.2021 година ќе почне терестричната дезинсекција против возрасни форми на комарци.

Авионската дезинсекција на подрачјето на градот Скопје, против возрасни форми на комарци, ќе се одвива на 22.05.2021 (сабота) и на 23.05.2021 (недела), во раните утрински часови.

Терестричната дезинсекција на подрачјето на градот Скопје, против возрасни форми на комарци ќе се одвива од 24.05.2021 (понеделник) до 28.05.2021 (петок), во период од 22 до 03 часот, наредниот ден.

Доколку временските услови не го дозволуваат вршењето на дезинсекцијата, таа ќе се изврши во истиот термин првиот нареден ден, кога временските услови ќе бидат поволни.

Се известуваат пчеларите навремено да ги преземат потребните мерки за заштита на пчелите.