Откако денес и официјално беше разрешен од Владата, досегашниот директор на ДПИ Стојко Пауновски се заблагодари на фејсбук до сите оние кои во неговите ставови виделе искрена намера за независна европска институција.

Огромна благодарност до сите граѓани кои во мојот “пркос” ги согледаа моите искрени намери и желба за силна, стручна и независна европска институција, порача Стојко Пауновски, откако денес беше разрешен од директорската позиција во Пазарниот инспекторат, бидејќи одби да прими рамковни административци.

„Патот на одбрана на интегритетот и професионалноста на институцијата со која раководев, за жал, не наидоа на разбирање од премиерот. При ова обраќање, сакам да упатам посебна благодарност до сите вработени во ДПИ кои во оваа битка застанаа рамо до рамо со мене и докажаа со факти дека сите одлуки ги носевме заедно, без разлика што јас им бев претпоставен. Горд сум на се што направивме заедно!

Ми беше чест да работам за Вас и од срце Ви посакувам подобар директор со кого ќе продолжите таму каде што јас застанав“, напиша Пауновски на фејсбук.