„Само помрачени умови болни за власт, организираат протести на ваков ден како Цветници“, вака лидерот на Македонски концепт, Петар Богојески го коментира денешниот протест пред Владата, на кој ќе присуствува и опозициската ВМРО-ДПМНЕ.

„Денес е Цветници. Секој Христијанин прославува низ молитва и причест воскресение Лазарово, најголемото чудо на Господа и влез негов во Светиот град! Само помрачени умови болни за власт, злоставуваат народ на ваков Божји ден, за да го спасат бегалецот од апсење! Срам! Срам! Срам!“, објави Богојески.

По повод годишнината од настаните во Собранието на Македонија на 27 април 2017 година, македонски организации од Европа, Канада, САД и Австралија денеска во 11 часот организираат протест под слоганот „Демократија во Македонија и слобода за уставобранителите!“. Протестот ќе почне пред Владата, е ќе заврши пред Собранието.

За разлика од него, претседателот на ВМРО-ДПМНЕ смета дека не смее да се премолчи на како што рече, неправдата, која им била нанесена на овие луѓе.

Не смееме да премолчиме неправда, затворот на правдина е најтежок, а општеството не смее да дозволи импровизации. Даваме поддршка и бараме ослободување на уставобранителите, тие не се и не можат да бидат терористи. Тие се чесни граѓани на оваа земја“, рече Мицкоски.