Вилијам Шекспир, првиот маж на светот што прими вакцина против коронавирус, почина во болница на 81-годишна возраст.

Неговата слика се појави во сите медиуми на почетокот на декември, кога по Маргарет Кен, тој беше втор човек во светот што ја прими вакцината Фајзер, а воедно и прв вакциниран маж.

Бил, како што го нарекувале, починал во четвртокот по кратко боледување во истата болница каде ја примил вакцината.

Тој беше голем љубител на фотографијата, обожуваше џез и дружења, а ја сакаше и природата. Бил ќе остане запаметен по многу работи, особено по добрата смисла за хумор – се вели во соопштението на семејството.

Зад себе ги остави сопругата Џој и двајцата синови, пренесе „Дејли Меил“.